Tag Archive | "kosova"

Inagurohet Scards, kompania më inovative shqiptare në industrinë e shtypit

Industria e shtypit është një nga më të rëndësishmet në botën e sotme moderne, e cila vazhdon të udhëheqë tregun pavarësisht përhapjes së dixhitalizimit të përmbajtjes, duke qenë një industri prej më shumë se 640 miliardë dollarësh dhe duke u rritur me 7% në vit. Me këto stastika është hapur para pak ditësh në Qendrën Inovative të Kosovës (Innovation Centre Kosovo) ceremonia e inagurimit të kompanisë më të re inovative shqiptare, Scards (www.scards.com).

Kompania Scards, me synim veçanërisht tregun global, është e specializuar në shtypje të materialeve promovuese dhe si produkt kryesor ka kartëvizitat (business cards).

scards

Drejtori i ICK-së, Uranik Begu, hapi prezantimin duke folur më konkretisht mbi këtë ide mjaft interesante e cila sipas tij pritet të ketë sukses, duke parë nga ajo se çfarë është ndërtuar deri më tani.

Për të folur më gjerësisht lidhur me pothuajse të gjitha shërbimet dhe produktet që ofron kompania fjalën e mori udhëheqësi i komapanisë Edon Abdullahu.

Përmes Scards, klientët kanë mundësi t’i zgjedhin vetë dizajnet e kartëvizitave, posterave, broshurave etj. Kompania zotëron po ashtu mijëra dizajne të gatshme nga më të ndryshmet të cilat lehtësojnë punën për ata që duan diçka të shpejtë dhe cilësore. Pagesat mund të kryhen online përmes kartave të kreditit, të debitit, përmes PayPal etj. Qëllimi i Scards është të gjendet sa më pranë biznesit, duke ofruar mjete të përshtatshme për porositjen e materialeve të shtypura si dhe për të krijuar zgjidhjet më mira për të, theksoi, ndër të tjera, Drejtori Ekzekutiv i kompanisë, z. Abdullahu.

Në vijim, Betim Drenica, udhëheqës teknik i kompanisë dhe Etrit Zeneli, udhëheqësi i dizajnit, prezantuan më me detaje teknologjinë mbi të cilën është ndërtuar kjo platformë si dhe njëkohësisht folën mbi mjetet dhe funksionalitetet e saj. Përmes shfrytëzimit të teknologjive më të fundit si dhe softuerëve të ndërtuar nga vetë kompania, Scards do të arrijë të eliminojë kostot e larta si dhe do të bëjë të mundur porositjen në sasi të vogla, dy probleme kryesore këto veçanërisht për biznesin e vogël. Cilësia, çmimet konkurruese dhe koha e shkurtër e shërbimit do të jenë ndër elementet më tërheqëse për klientët.

Incoming search terms:

Posted in PristinaComments (0)

Parkingu i UNMIK-ut zhvendoset nga qendra e Prishtinës

UNMIK-u është pajtuar që të largojë parkingun e automjeteve përballë Pallatit të Rinisë, për ta vendosur atë prapa objektit të ri të Qeverisë së Kosovës (ish-Pallati i Shtypit), shkruan Koha Ditore.

Pajtimi për largimin e parkingut nga lokacioni ku ishte, midis Pallatit të Rinisë dhe Objektit të EULEX-it, është arritur midis këtij misioni, Ministrisë së Ambientit dhe Planifikimit Hapësinor, Komunës së Prishtinës si dhe Ministrisë se Administratës Publike. “Jemi pajtuar që hapësira përballë Pallatit të Rinisë, e shfrytëzuar nga UNMIK-u për parking  të largohet nga aty dhe të zhvendoset prapa ish-objektit Rilindja”, ka thënë në kushte anonimiteti një zyrtar i lartë në MAPH. Sipas tij, çështja e largimit të atij parkingu është diskutuar edhe me shefin i UNMIK-ut në Kosovë, Lamberto Zannier. “Në tetor të vitit të kaluar Ministria i Ambientit ka diskutuar me shefin e OKB-së në Kosovë, Zannier, i cili pati premtuar angazhimin e tij për largimin e parkingut, kurse menjëherë pas ka filluar përmbushja e procedurave administrative dhe teknike që ai parking të largohet”, ka pohuar ky burim i gazetës brenda MAPH. Sipas po këtij burimi, bashkëpunimi ndërinstitucional në lidhje me këtë çështje ka funksionuar tërësisht dhe aktivisht.

Para një viti autoritetet e kryeqytetit iu patën drejtuar me një letër UNMIK-ut me kërkesën që t’i largojë automjetet nga parkingu midis Bankës Qendrore dhe selisë së EULEX-it. Kjo hapësirë, në planet e Komunës së Prishtinës është paraparë të shfrytëzohet për ndërtimin e një parkingu nëntokësor, nga tri të tilla sa pritet të bëhen gjithandej kryeqytetit. Në letrën që ia ka kthyer asokohe UNMIK-u Komunës së Prishtinës, nuk pati shprehur gatishmëri për largim të parkingut.

“E kemi parasysh kërkesën tuaj dhe nevojën që ajo hapësirë të shfrytëzohet për nevojat e planeve tuaja, por aktualisht nuk janë pjekur kushtet që të largohemi nga ajo hapësirë. Rikujtojmë që misioni i UNMIK-ut vepron në bazë të Rezolutës së OKB-së 1244 dhe se institucionet vendore kanë obligim të afrojnë gjithë ndihmën e nevojshme këtij misioni”, thuhej në letrën e UNMIK-ut.

Gazeta ka provuar të vërë kontakt me përgjegjësit e UNMIK-ut për të mësuar më shumë në lidhje me pohimet në MAPH, por ishte e pamundur. Në letrën që zyrtarët e kryeqytetit ia kishin dërguar UNMIK-ut patën shfaqur gatishmërinë të gjejnë hapësirë tjetër në Prishtinë.

Të dielën, ndërkaq, autoritetet e kryeqytetit largimin e parkingut të UNMIK-ut e kanë vlerësuar si sukses të veçantë.

“Ajo hapësirë do të dedikohet për parking nëntokësor, e mbi të do të krijohet një park i gjelbëruar” ka thënë Muhamet Gashi, zëdhënës i Komunës së Prishtinës.

Incoming search terms:

Posted in Prishtina, PrishtineComments (0)

Në Prishtine kërkojnë tokë 70 institucione qendrore

Rreth 70 kërkesa kanë adresuar institucionet e nivelit qendror në Komunën e Prishtinës, që kjo e fundit të ndajë parcela për to si dhe në disa raste të verifikojë pronësinë dhe ligjshmërinë e pronës, shkruan Koha Ditore.

Në listën e institucioneve që presin tokë nga Prishtina, prin Qeveria e Kosovës me gjithsej  23 kërkesa, pastaj radhitet Agjencia Kosovare e Pronës me 15 kërkesa, Këshilli Gjyqësor me 11 kërkesa, Agjencia Kosovare e Privatizimit me 3 kërkesa, Agjencia Kadastrale me 2 kërkesa, Instituti Sizmologjik me 1 kërkesë, Bashkësia Islame me 6 kërkesa, Agjencia Kundër Korrupsionit me 1 kërkesë si dhe ndërmarrjet e nivelit qendror (KEK-u, PTK-ja)  me 7 kërkesa.

Këto të dhëna janë siguruar nga raporti vjetor i Komunës së Prishtinës, i cili i referohet periudhës dymbëdhjetëmujore të vitit të kaluar.

“Këto kërkesa kanë qenë për ofrimin e provave dhe dokumentacion, si dhe ofrimin e lokacioneve për ndërtimin e objekteve me interes të përgjithshëm publik”, thuhet në këtë raport. Sipas po këtij dokumenti, Komuna e Prishtinës ka arritur t’i zgjedhë kërkesat e parashtruara në lëmin e drejtësisë, atë të arsimit, si dhe të kategorive sociale të cilat kërkesa në komuna janë parashtruar nga MPMS-së. “Komuna e Prishtinës ka ndarë lokacionin në rreth 5 hektarë tokë në zonën e quajtur ‘Prishtina e re’ për ndërtimin e Pallatit të Drejtësisë, Shtëpisë Presidenciale, si dhe të disa rezidencave të tjera institucionale. Ndërsa më herët ngjashëm është vepruar edhe me Universitetin e Prishtinës”, thuhet në raportin e komunës, teksa thuhet më lehtë zgjidhen kërkesat nga MASHT-i, ngase ndarja e pronës ka të bëjnë për ndërtimin e shkollave në zonat e kryeqytetit. “Në këto raste llogaritet domosdoshmëria e ndërtimit të shkollave si dhe hapësira, e cila mund të jetë anësore”, thuhet më tej në raportin e Komunës së Prishtinës. Ndryshe të martën në komunë kanë thënë se ky institucion po e ka të pamundur t’u përgjigjet pozitivisht të gjitha kërkesave për ndarje pronash. “Pothuajse të gjitha kërkesat të cilat vijnë për ndarje pronash në Prishtinë nga ana e institucioneve të nivelit qendror kërkojnë që zona të jetë diku qendra e Prishtinës, hapësirë kjo e cila është mbingarkuar dhe nuk ka lokacion të përshtatshëm, i cili mund të ndahet për ndërtime objektesh tjera institucionale”, ka thënë Muhamet Gashi, zëdhënës i Komunës së Prishtinës. Sipas tij, ka raste kur komuna nxjerr vendim për ndarje të lokacionit, ndërsa institucioni i cili ka parashtruar kërkesën nuk ndahet i kënaqur me lokacionin e ndarë. “Kemi raste kur komuna ka ndarë lokacion, madje edhe në qendër siç është rasti me Bashkësinë Islame të Kosovës, e cila ka shfaqur pakënaqësi me vendimin e komunës”, ka potencuar Gashi. Nga ana tjetër kreu i Prishtinës, Isa Mustafa, gjatë një interviste të dhënë për “Koha Ditore” në fillim të këtij viti, kërkesat që vijnë nga institucionet qendrore në adresë të komunës i ka parë si dëshmi se nga niveli qendror Prishtina do të duhet të kishte një tretman më të veçantë në krahasim me komunat e tjera në vend.

“Prishtina është kryeqytet, këtu janë të gjitha institucionet, ato vazhdimisht kërkojnë parcela toke, vendparkingje dhe shërbime tjera komunale, ndërsa kur është fjala te dhënia e një granti shtesë financiar për kryeqytetin, ato marrin qëndrim kundër”, ka thënë Mustafa. Ky i fundit e pati quajtur paradoksale që Prishtina të krahasohet me komunën e Parteshit.

“Prishtina aktualisht nga niveli qendror nuk trajtohet për asnjë dimension ndryshe nga komunat tjera me të vogla të vendit, ndërsa Prishtina duhet të mendojë dhe të angazhohet për ndarje tokash për këto institucione. Aktualisht në qendër të qytetit është e pamundur të gjendet ndonjë lokacion i përshtatshëm që do të mund t’i dedikohet ndonjë institucioni, atje ku komuna ka hapësirë është zona e quajtur Prishtina e re, si dhe zona ekonomike”, ka potencuar mes tjerash Mustafa.

Gazeta nuk ka arritur të martën të sigurojë qëndrim të Qeverisë së Kosovës në lidhje me këto çështje. Por, në një prononcim të mëhershëm për gazetën kreu i MPB-së, Bajram Rexhepi, pati kërkuar nga Komuna e Prishtinës që të jetë më azhure ndaj kërkesave që parashtrojnë institucionet e nivelit qendror.

“Kemi parashtruar disa herë radhazi kërkesa në Komunë të Prishtinës, por për shkaqe të tyre jemi vonuar në nisjen dhe finalizimin e Qendrës së Regjistrimit të Automjeteve në Prishtinë dhe do të duhet që për një dokument të mbesin gjerat pezull”, pati thënë Rexhepi.

Incoming search terms:

Posted in Prishtina, PrishtineComments (0)

Prishtina, Sheshi “Nënë Tereze” në terr

Pak para orës 19, Sheshi “Nëna Tereze” në Prishtinë ishte pa asnjë ndriçim publik. Askush nga shëtitësit e mbrëmjes nuk e diti pse shëtitorja e vetme për kryeqytetasit e vendit, por dhe për vizitorë të tjerë nga vendi e bota, mbeti në terr në këtë kohë. Nuk u dha asnjë shpjegim zyrtar, as nga KEK dhe as nga komuna e Prishtinës pse ndodhi kështu. Ndoshta këta zyrtarë mendojnë se për shëtitore mjaftojnë dritat që vijnë nga vitrinat e dyqaneve dhe lokaleve të tjera në të dy anët e shëtitores. Ose mendojnë se të dielën në mbrëmje nuk ka nevojë për ndriçim, madje as në sheshin më të frekuentuar të kryeqytetit!

Cilado që të jetë arsyeja, kryesheshit  nuk i ka hije terri.

Incoming search terms:

Posted in Prishtina, PrishtineComments (0)

Rent A Car Prishtina

rent a car prishtina

Prishtina Kamera Live